Zəruri olan sənədlərin siyahısı

• ərizə-anket;
• pasportun və ya digər sərhədkeçmə sənədinin surəti;
• doğum  haqqında  şəhadətnamə  və  ya  ona  bərabər  tutulan  digər  sənədin notariat qaydasında  təsdiq olunmuş  surəti  (pasportu olmayan 18 yaşına çatmamış şəxslər üçün);
• müvafiq icra hakimiyyəti orqanı tərəfindən təsdiq edilən təhlükəli yoluxucu xəstəliklərin siyahısında nəzərdə tutulmuş xəstəlik virusu daşıyıcısı (İnsanın immunçatışmazlığı virusu infeksiyası və B və C hepatitləri) olmaması haqqında arayış;
• əcnəbilərin və vətəndaşlığı olmayan şəxslərin və onlarla gələn ailə üzvlərinin  minimal tələbatını ödəyə bilən vəsaiti olması barədə sənəd (yaxın qohumu olan  Azərbaycan Respublikasının vətəndaşı və ya Azərbaycan Respublikasında  daimi yaşamaq üçün icazə almış şəxs ölkədə qaldıqları vaxtda onların  təminatını  öz üzərinə götürdüyü hallar istisna olmaqla);
• Azərbaycan Respublikasında müvəqqəti və  ya daimi yaşamaq üçün icazə vəsiqəsinin surəti;
• Azərbaycan Respublikasında müvəqqəti yaşamaq üçün icazə alınmasına əsas olmuş halların aradan qalxmadığını sübut edən sənədlərin əsli və ya notariat qaydasında təsdiq olunmuş surəti;
• 3,5x4,5 sm ölçüdə iki ədəd fotoşəkil;
• 14-18  yaşında olan uşaqların notariat qaydasında təsdiq edilmiş razılığı;
• qeydiyyata alınacağı yaşayış sahəsinin sənədi (mülkiyyət  hüququnun dövlət    qeydiyyatına alınması haqqında daşınmaz əmlakın dövlət reyestrindən çıxarış,  order, icarə (kirayə) müqaviləsi və ya Azərbaycan Respublikasının qanunvericiliyində nəzərdə tutulmuş digər sənəd);

• Əcnəbiyə və ya vətəndaşlığı olmayan şəxsə yaşayış sahəsi verən şəxsin özü iştirak etmədikdə notarial qaydada təsdiq olunmuş razılıq ərizəsi (əcnəbinin və ya vətəndaşlığı olmayan şəxsin mülkiyyətində yaşayış sahəsinin olduğu hallar istisna olmaqla);

• əcnəbiyə və ya vətəndaşlığı olmayan şəxsə yaşayış sahəsi verən şəxsin şəxsiyyətini təsdiq edən sənədin surəti (əcnəbinin və ya vətəndaşlığı olmayan şəxsin mülkiyyətində yaşayış sahəsinin olduğu hallar istisna olmaqla);
• dövlət rüsumunun ödənilməsi barədə sənəd (icazə vəsiqəsi təqdim edildiyi zaman verilir).

Dövlət rüsumunun məbləği

- altmış  gün müddətində verildikdə və ya müddəti uzadıldıqda

Yetkinlik yaşına çatmış şəxslər üçün                                                      300 manat

Yetkinlik yaşına çatmayan şəxslər üçün                                                  150 manat

- əlli  gün müddətində verildikdə və ya müddəti uzadıldıqda

Yetkinlik yaşına çatmış şəxslər üçün                                                      350 manat

Yetkinlik yaşına çatmayan şəxslər üçün                                                  200 manat

- qırx  gün müddətində verildikdə və ya müddəti uzadıldıqda

Yetkinlik yaşına çatmış şəxslər üçün                                                      400 manat

Yetkinlik yaşına çatmayan şəxslər üçün                                                  250 manat

- otuz beş  gün müddətində verildikdə və ya müddəti uzadıldıqda

Yetkinlik yaşına çatmış şəxslər üçün                                                      450 manat

Yetkinlik yaşına çatmayan şəxslər üçün                                                  300 manat

Daimi yaşamaq üçün icazə vəsiqələrinin (itirilmiş)                                     20 manat

Yenidən verilməsi üçün                                                                             

Azərbaycan Respublikasının İnzibati Xətalar Məcəlləsinin 566-cı maddəsinə əsasən Azərbaycan Respublikasının ərazisində daimi yaşamaq üçün sənədlərin itirilməsinə və ya qəsdən korlanmasına görə 30 manat cərimə edilir.