Qeyd

Statusu olmayan mənzillərdə (Məcburi Köçkün limiti istifadə olunmayan) abonentin həmin ünvanda hansı tarixdən yaşaması göstərilməklə Qaçqınların və Məcburi köçkünlərin işləri üzrə dövlət komitəsinin yerli qurumundan arayışı təqdim olunur.

Bu xidmət Qaçqınların və Məcburi Köçkünlərin İşləri üzrə Dövlət Komitəsinin “Azərişıq” ASC-nin Elektron Müraciətlərin İdarə Olunması Sisteminə (EMİOS)-nə inteqrasiya olunan şəxslərə şamil edilir.

Yaxın qohumlar (ata, ana, baba, nənə, ər (arvad), uşaqlar, bacı, qardaş, nəvələr) qohumluq əlaqələrini təsdiq edən sənədləri təqdim etməklə xidmətə müraciət edə bilərlər.

Başqa şəxs müraciət etdiyi halda qanunvericiliklə müəyyən olunmuş qaydada verilən etibarnamə və müraciət edən şəxsin şəxsiyyətini təsdiq edən sənəd təqdim edilməlidir.

Məcburi köçkün yeni ünvana köçdükdə köhnə ünvan üzrə “kreditor” borcu varsa sıfırlanır, “debitor” borcu olduqda isə ödədikdən sonra ünvan dəyişikliyi icra edilir.

Kompakt şəkildə məskunlaşmış məcburi köçkünlərin müraciəti zamanı bütün ailə üzvlərinin şəxsiyyət vəsiqələri təqdim edilməlidir.

Məcburi köçkün borcun olmaması haqqında arayış və ad dəyişmə xidmətinə müraciət etdiyi zaman dondurulmuş kreditor borc sıfırlandığı, debitor borc ödənildiyi halda icra oluna bilər.