Əhali abonentinin qazpaylayıcı şəbəkəyə qoşulması üçün:
• Ərizə;
• Sifarişçinin şəxsiyyət vəsiqəsi;
• Tikinti obyektinin və ya tikinti obyektinin yerləşdiyi (yerləşəcəyi) torpaq sahəsi üzərində sifarişçinin mülkiyyət və ya digər əşya hüququnu təsdiq edən sənəd:
- Tikintiyə aid çıxarış (texniki pasportla birlikdə);
- Qeydiyyat vəsiqəsi (texniki pasportla birlikdə);
- Notariat qaydasında təsdiq edilmiş icarə, alqı-satqı müqaviləsi, bağışlama (mülkiyyət sənədinin surəti və texniki pasportla birlikdə);
- Daşınmaz əmlak üzərində mülkiyyət və digər əşya hüquqlarının qabaqcadan qeydiyyata alınması barədə Daşınmaz əmlakın dövlət reyestrindən arayış;
- Azərbaycan Respublikasının sonuncu Mənzil Məcəlləsi qanuni qüvvəyə minənədək verilmiş order;
- İcra hakimiyyəti orqanının sərəncamı;
- Torpaq sahəsinin icarə, istifadə hüququna dair Dövlət Aktı, şəhadətnamə, çıxarış və ya müqavilə (torpaq sahəsinə aid plan və ölçü ilə birlikdə).
Qeyri-əhali abonentinin qazpaylayıcı şəbəkəyə qoşulması üçün:
• Ərizə;
• Sifarişçinin şəxsiyyət vəsiqəsi;
• Hüquqi şəxsin və ya hüquqi şəxs yaratmadan sahibkarlıq fəaliyyəti ilə məşğul olan fiziki şəxsin VÖEN-i;
• Sifarişçinin əvəzinə təmsilçi (nümayəndə) müraciət edirsə ona verilən müvafiq məktub və nümayəndənin şəxsiyyət vəsiqəsi (şəxsiyyətini təsdiq edən sənəd);
• Tikinti obyektinin və ya tikinti obyektinin yerləşdiyi (yerləşəcəyi) torpaq sahəsi üzərində sifarişçinin mülkiyyət və ya digər əşya hüququnu təsdiq edən sənəd:
- Tikintiyə aid çıxarış (texniki pasportla birlikdə);
- Qeydiyyat vəsiqəsi (texniki pasportla birlikdə);
- Notariat qaydasında təsdiq edilmiş icarə, bağışlama, alqı-satqı müqaviləsi, (mülkiyyət sənədinin surəti və texniki pasportla birlikdə);
- Daşınmaz əmlak üzərində mülkiyyət və digər əşya hüquqlarının qabaqcadan qeydiyyata alınması barədə Daşınmaz əmlakın dövlət reyestrindən arayış;
- Hüquqi şəxslər arasında bağlanılmış icarə müqaviləsi (mülkiyyət sənədinin surəti və texniki pasportu ilə birlikdə, müqavilə qüvvədə olduğu müddətdə);
- İcra hakimiyyəti orqanının sərəncamı;
- Torpaq sahəsinin icarə, istifadə hüququna dair Dövlət Aktı, şəhadətnamə, çıxarış və ya müqavilə (torpaq sahəsinə aid plan və ölçü ilə birlikdə).
Küçə qaz xətti üçün:
• Ərizə;
• Sifarişçinin şəxsiyyət vəsiqəsi;
• Tikinti obyektinin və ya tikinti obyektinin yerləşdiyi (yerləşəcəyi) torpaq sahəsi üzərində sifarişçinin mülkiyyət və ya digər əşya hüququnu təsdiq edən sənəd:
- Tikintiyə aid çıxarış (texniki pasportla birlikdə);
- Qeydiyyat vəsiqəsi (texniki pasportla birlikdə);
- Notariat qaydasında təsdiq edilmiş icarə, alqı-satqı müqaviləsi, bağışlama (mülkiyyət sənədinin surəti və texniki pasportla birlikdə);
- Daşınmaz əmlak üzərində mülkiyyət və digər əşya hüquqlarının qabaqcadan qeydiyyata alınması barədə daşınmaz əmlakın dövlət reyestrindən arayış;
- İcra hakimiyyəti orqanının sərəncamı;
- Torpaq sahəsinin icarə, istifadə hüququna dair Dövlət Aktı, şəhadətnamə, çıxarış və ya müqavilə (torpaq sahəsinə aid plan və ölçü ilə birlikdə).
Layihə dəyişikliyi üçün:
• Ərizə;
• Sifarişçinin şəxsiyyət vəsiqəsi;
• Layihənin əsli (Layihə sənədinin elektron qaydada əldə edilməsi mümkün olduğu hallar istisna olmaqla);
• Mülkiyyət və ya digər əşya hüququnu təsdiq edən sənəd.
Texniki şərtin və ya dublikatının verilməsi - Ödənişsiz
Qazpaylayıcı şəbəkəyə texnoloji və fiziki qoşulma xidmətlərinə görə ödənişin məbləğləri Azərbaycan Respublikası Nazirlər Kabinetinin 2023-cü il 21 noyabr tarixli 423 nömrəli Qərarı ilə təsdiq edilmiş “Tikinti obyektlərinin qazpaylayıcı şəbəkəyə qoşulma xidmətinə görə ödəniş məbləğinin hesablanmasına dair metodologiya”ya və Tarif (qiymət) Şurasının 2024-cü il 3 may tarixli 5 nömrəli qərarı ilə təsdiq edilmiş Əlavəyə əsasən müəyyən edilir:
Ərazi planlaşdırılması sənədləri təsdiq edilmiş ərazilərdə ümumi qaz sərfiyyatı 10 m3/saat olan düz xətt üzrə 100 metr məsafədə yerləşən məişət qaz qurğuları quraşdırılan tikinti obyektlərinin mövcud qazpaylayıcı şəbəkəyə texnoloji qoşulması - 1 qoşulma üçün 271 manat;
Ərazi planlaşdırılması sənədləri təsdiq edilməyən və ya qaz qurğuları 100 metr məsafədə yerləşməyən ərazilərdə tikinti obyektlərinin qazpaylayıcı şəbəkəyə fiziki qoşulması - 1 qoşulma üçün 160 manat.
15 (on beş) iş günü müddətində
Qeyd 1. Azərbaycan Respublikasının Şəhərsalma və Tikinti Məcəlləsinə əsasən, tikilinin (mülkiyyət və ya digər əşya hüququnu təsdiq edən sənəddə tikinti obyekti haqqında məlumat qeyd olunduğu hallar istisna) şəhərsalma və tikinti fəaliyyətinin vahid informasiya təminatı sisteminin tərkib hissəsi olan Tikintilərin Dövlət reyestrində qeydə alındıqda texniki şərtin verilməsi üçün müraciət qəbul oluna bilər.
Qeyd 2. Əhali abonenti əvəzinə digər şəxs müraciət etdiyi halda, qanunvericiliklə müəyyən olunmuş qaydada verilən etibarnamə və müraciət edən şəxsin şəxsiyyətini təsdiq edən sənəd təqdim etməklə müraciət edə bilər.
Hüquqi şəxs yaratmadan sahibkarlıq fəaliyyəti ilə məşğul olan fiziki şəxsin əvəzinə digər şəxs müraciət etdiyi halda qanunvericiliklə müəyyən olunmuş qaydada verilən etibarnamə və müraciət edən şəxsin şəxsiyyətini təsdiq edən sənəd təqdim etməklə müraciət edə bilər.
Hüquqi şəxsin əvəzinə digər şəxs müraciət etdiyi halda, qanunvericiliklə müəyyən olunmuş qaydada verilən etibarnamə və ya hüquqi şəxs tərəfindən verilmiş məktub və müraciət edən şəxsin şəxsiyyətini təsdiq edən sənəd təqdim etməklə müraciət edə bilər.
Qeyd 3. Yaşayış sahəsi qeyri-yaşayış sahəsinə və qeyri-yaşayış sahəsi yaşayış sahəsinə keçirildikdə bu halı təsdiq edən müvafiq icra hakimiyyəti orqanının və ya müvafiq icra hakimiyyəti orqanının müəyyən etdiyi qurumun qərarı təqdim edilməlidir.
Qeyd 4. Sifarişçi “ASAN Kommunal” və ya “ASAN xidmət” mərkəzləri vasitəsilə əldə etmiş texniki şərtləri itirdikdə, o, həmin sənədlərin dublikatının alınması üçün abonent kodunu və müraciət edən şəxsin şəxsiyyət vəsiqəsini təqdim etməklə mərkəzlərə müraciət edə bilər. Həmin sənədlərin dublikatı müraciət qeydə alındığı vaxtdan 3 (üç) iş gün müddətinə mərkəzlər vasitəsilə sifarişçiyə təqdim olunur.
Qeyd 5. Dövlət qurumları üçün texniki şərt “Azəriqaz” İstehsalat Birliyinə ünvanlanmış məktub əsasında verilir.
Qeyd 6. Mənzil Tikinti Koorperativləri tərəfindən verilən alqı-satqı müqavilələri həmin MTK-lar tərəfindən təsdiqlənir
Qeyd 7. Əmlak paylı və ya ümumi mülkiyyətdə olduqda müraciət edən şəxs digər payçıların notariat qaydasında təsdiqlənmiş razılıq ərizələrini (mülkiyyətçilərin özlərinin yazılı razılığını birbaşa mərkəzdə verdiyi hallar istisna olmaqla) təqdim etməlidir.
Qeyd 8. Əmlak yetkinlik yaşına çatmayanların, habelə məhkəmə tərəfindən fəaliyyət qabiliyyəti olmayan sayılmış fiziki şəxslərin adına olduqda yalnız onların qanuni nümayəndələri olan valideynləri, övladlığa götürənləri və qəyyumları müraciət edə bilərlər. (Bu səlahiyyəti həyata keçirmək üçün qohumluq əlaqəsini təsdiq edən sənəd və ya məhkəmə qətnaməsi, yaxud qəyyumluq və himayəçilik orqanının verdiyi sənədlərdən biri təqdim edilməlidir).
