“Vətəndaş cəmiyyətinin mövcudluğu və inkişaf istiqamətləri” mövzusunda mühazirə keçirilib

12  dekabr 2014- cü il tarixində Azərbaycan Respublikasının  Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin və  DİN-nin Polis Akademiyasının birgə təşkilatçılığı ilə “Dövlət idarəetməsində qanunçuluq və intizam”  mövzusunda kurs  təşkil olunub.

Dövlət Agentliyinin Təlim sektorunun müdiri  dosent Nazənin Hüseynova  müdavimlərə “Vətəndaş cəmiyyətinin mövcudluğu və inkişaf istiqamətləri” mövzusunda mühazirə kursu  keçib.

          Mühazirəçi   Ulu Öndər Heydər Əliyevin müasir Azərbaycanın qurucusu və memarı kimi  milli dövlət quruculuğundakı tarixi xidmətlərini, siyasi və idarəçilik fəaliyyətini  vurğulayıb. Nazənin Hüseynova  hüquqi – sosial dövlət quruculuğu, vətəndaş cəmiyyətinin bərqərar olunması yolunda görülən tədbirlərin əhəmiyyəti, əsas xüsusiyyətləri  və prinsipləri barədə məlumat verib. Qeyd olunub ki, Heydər Əliyevin azərbaycançılıq ideologiyası müstəqil dövlətimizin  gələcək inkişafında xüsusi rola malikdir. Tədbirdə ölkəmizdə hüquqi dövlət quruculuğu, vətəndaş təşəbbüslərinin dəstəklənməsi və siyasi plüralizmə əsaslanan güclü demokratik cəmiyyətin formalaşdığı qeyd edilərək ölkə başçısı İlham Əliyevin yürütdüyü uğurlu dövlət siyasətinin, görülən ardıcıl və kompleks tədbirlərin əhəmiyyəti vurğulanıb.

Mühazirə kursunda vətəndaş cəmiyyətinin mövcudluq şərtləri, əsas prinsipləri və vətəndaş cəmiyyəti ilə əməkdaşlığın yeni forması kimi “ASAN xidmət”  modeli barədə müdavimlərə dolğun məlumat verilib. Müdavimlər ölkədə qurulan innovativ, müasir idarəetmə modeli olan “ASAN xidmət”-in prinsipləri, fəaliyyət məqsədləri  barədə məlumatlandırılıb.

Sonda mühazirə iştirakçılarının şərh və sualları cavablandırılıb.