Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Təlim Mərkəzində “Stresin idarə olunması” mövzusunda təlim keçirilmişdir

13 avqust 2013-cü  il tarixində Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Təlim Mərkəzində “Stresin idarə olunması” mövzusunda təlim  keçirilmişdir. Təlimdə  Asan Xidmət mərkəzlərində fəaliyyət göstərən  dövlət orqanlarının əməkdaşları iştirak etmişdir.

Təlimdə stresin xüsusiyyətləri, psixoloji və fizioloji səbəbləri, onun idarəolunmasına dair  strategiyalar barədə təlim iştirakçılarına ətraflı məlumat verilmişdir. İştirakçılara fərqli vəziyyətlərdə  stressin  gərginlik  səviyyəsinin qiymətləndirilməsi və stressin konstruktiv idarə olunması, stress yaradan faktorları aradan qaldırmaq barədə praktik məsləhətlər verilmişdir.

Praktik meditasiya və  nəfəs məşqləri ilə davam edən təlim sonda iştirakçılarla aparılan fikir və təəssürat mübadiləsi ilə başa çatmışdır.