5-6 sentyabr 2013-cü ildə Qazaxıstanda I Mərkəzi Asiya Aparıcı İT mütəxəssislərinin Sammiti keçirilmişdir
Cari il 5-6 sentyabr tarixində Qazaxıstan Respublikasında Beynəlxalq Data Koorporasiyasının (İnternational Data Coorporation- IDC) təşkilatçılığı ilə Mərkəzi Asiya Aparıcı İT mütəxəssislərinin (Chief Information Officers- CİO) Sammiti baş tutmuşdur.
Sammitdə Azərbaycan, Qazaxıstan, Qırğızıstan, Tacikistan və Özbəkistanın aparıcı İT şirkətlərini ,həmçinin dövlət orqanlarını təmsil edən 80-dən artıq mütəxəssis iştirak etmişdir.
I Mərkəzi Asiya CIO Sammiti müxtəlif ölkələrin nümayəndələri üçün qarşılıqlı təcrübə mübadiləsi, informasiya texnologiyaları sahəsində yeni tendensiyaların müzakirəsi və bu sahədə mütəxəssislərin rəyinin öyrənilməsi üçün mühüm əhəmiyyət kəsb etmişdir.
I Mərkəzi Asiya CIO Sammitində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədrinin İT məsələləri üzrə köməkçisi Cəfər Əliyev, Sosial İnnovasiyalar və Strateji Araşdırmalar şöbəsinin müdiri Ceyhun Salmanov və İnformasiya Texnologiyaları şöbəsinin müdiri Hikmət Ələkbərov iştirak etmiş və bir sıra ikitərəfli görüşlər keçirmişlər.