“ASAN xidmət” əməkdaşları təltif olunublar
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyində əməkdaşların təltif olunması ilə bağlı tədbir təşkil olunub.
Dövlət Agentliyinin sədri Ülvi Mehdiyev Prezident İlham Əliyev tərəfindən qurumun fəaliyyətinə daim xüsusi diqqət və qayğının göstərildiyini, “ASAN xidmət" işçilərinin peşə bayramı gününün təsis edildiyini vurğulayıb. O, əməkdaşları əldə etdikləri uğurlar münasibətilə təbrik edib və gələcək fəaliyyətlərində uğurlar arzulayıb.
Öncə Dövlət Agentliyinin Aparatında və “ASAN xidmət” mərkəzlərində çalışan əməkdaşlar “Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 10 illiyi (2012-2022)” Azərbaycan Respublikasının yubiley medalı və “Nümunəvi əməkdaş” döş nişanı ilə təltif ediliblər.
Ardınca 2024-cü ildə yenilikçi, qulluq funksiyalarını vaxtında və dəqiq yerinə yetirən əməkdaşlar təşəkkürnamə ilə təltif olunublar.