Qeyri-əhali abonentinin enerji təchizatı şəbəkəsinə qoşulması

Zəruri olan sənədlərin siyahısı

Ərizə;
VÖEN (olduğu halda) və şəxsiyyət vəsiqəsi (hüquqi şəxs yaratmadan sahibkarlıq fəaliyyəti ilə məşğul olan fiziki şəxs olduğu halda);
Hüquqi şəxsin təmsilçisinə (nümayəndəsinə) verilən müvafiq məktub, nümayəndənin şəxsiyyət vəsiqəsi və VÖEN (hüquqi şəxs olduğu halda);
Mülkiyyəti təsdiq edən sənəd (Qeydiyyat vəsiqəsi, mülkiyyət hüququnun dövlət qeydiyyatına alınmasına dair çıxarış (texniki pasport və ya plan sxem ilə birlikdə), müvafiq icra hakimiyyəti orqanının sərəncam (Ayrıc aktı ilə), bələdiyyə qərarı (plan-sxem ilə birlikdə), order (plan-sxem ilə birlikdə), alqı-satqı və ya icarə müqaviləsi (mülkiyyət hüququna dair sənədin surəti ilə), istifadə hüququna dair sənəd (şəhadətnamə, dövlət aktı, çıxarış), mülkiyyət hüququnun tanınması haqqında məhkəmə qərarı);
Tələb olunan elektrik enerjisinin gücü və keyfiyyət göstəriciləri barədə sənəd (yük hesabatı) ;
Tikinti ərazisinin vəziyyət planı;
Obyektin istismarı üçün mühəndis-kommunikasiya təminatına dair tələbat göstəriciləri barədə sənəd;
İxtisaslaşdırılmış müəssisələr tərəfindən tərtib edilən ərazinin geoloji mühəndis hesabatı (MTK olduğu halda);
Obyektin tikintisinə dair layihənin surəti.

Xidmət haqqı

Azərbaycan Respublikası Nazirlər Kabinetinin 2018-ci il 27 aprel tarixli 180 nömrəli qərarı ilə müəyyən olunur.

Müddət

Xidmət növü	150 kvt-a qədər	150 kvt-dan çox olduqda
Trassanın seçilməsi, texniki şərtin və layihə sənədinin hazırlanması	10 gün	Texniki şərtin verilməsi 10 iş günü; Layihə-smeta sənədinin hazırlanması 5 iş günü.
Enerji təchizatı şəbəkəsinə qoşulma	10 gün	Layihə-smeta sənədi əsasında müəyyən olunur.

Qeyd

Sifarişçi tərəfindən obyekt üçün tələb olunan enerji gücü yük hesabatına uyğun olaraq müəyyən olunur.

Yuxarıda qeyd olunmuş bütün sənədlər iri enerji istehlakçıları (MTK-lar, iri müəssisələr və s.) olduğu halda tələb olunur, digər hallarda isə ilk 5 sənəd tələb olunur.

Sahibkarların tikinti obyektlərinə əlavə güc alması (bu şərtlə ki, əlavə güc verildiyi halda tikinti obyektinə bütövlükdə veriləcək güc 150 kVt-dan çox olmasın) tələb olunduqda, onlara verilmiş mövcud texniki şərtlər nəzərə alınmaqla, əlavə gücün alınması üçün yeni texniki şərtlər verilməlidir. Əlavə gücün alınması üçün yeni texniki şərtlər verilərkən sifarişçi tələb etdiyi əlavə gücə uyğun qoşulma haqqı ödəyir. Əlavə gücün alınması ilə bağlı müraciət olunduqda ərizə və mövcud texniki şərt tələb olunur.

Sifarişçi mərkəzlər tərəfindən ona verilmiş texniki şərtləri və layihə sənədlərini itirdikdə, o, həmin sənədlərin dublikatının alınması üçün abonent kodunu və müraciət edən şəxsin şəxsiyyət vəsiqəsini təqdim etməklə mərkəzlərə müraciət edir. Həmin sənədlərin dublikatı müraciət edildiyi gün mərkəzlər vasitəsilə sifarişçiyə ödənişsiz verilir.

Mülkiyyətin təyinatı dəyişdiyi halda bunu təsdiq edən icra hakimiyyətinin sərəncamı tələb olunur (əhali təyinatlı obyektlərdən qeyri-əhali təyinatı üzrə istifadə olunduğu hallarda).

Obyekt fiziki şəxs tərəfindən icarəyə verildikdə notarial qaydada təsdiqlənmiş müqavilə tələb olunur.

Obyektin sənədi təyinatı üzrə mənzil kimi qeyd olunubsa (çıxarış), əlavə olaraq müvafiq yerli qurumdan arayış (qeyri əhali istifadəsinə dair) tələb olunur

Bu xidmət “ASAN Kommunal” mərkəzləri ilə yanaşı Sumqayıt, Sabirabad, Quba, Gəncə, Masallı, Bərdə, Mingəçevir, Qəbələ, İmişli və Şəki regional “ASAN xidmət” mərkəzlərində həyata keçirilir.